सिम्रिक एयरको हेलिकोप्टर संखुवासभामा दुर्घटना

काठमाडौँ । सिम्रिक एयरको हेलिकोप्टर संखुवासभामा दुर्घटनामा परेको छ । एक स्थानीयका अनुसार दुर्घटनामा हेलिकोप्टरका पाइलट र अर्का एक स्थानीय घाइते भएका छन् । उनलाई उद्धार गरेर उपचारका लागि अस्पताल पठाउने तयारी भइरहेको छ ।

अपर अरूण जलविद्युत् आयोजनाको सामान बोकेर गएको हेलिकोप्टर दुर्घटनामा परेको संखुवासभाका प्रमुख जिल्ला अधिकारी शिवकुमार कार्कीले मकालुखबरलाई बताए ।

उनका अनुसार उक्त हेलिकोप्टर संखुवासभाको भोटखोला गउँपालिका ४, सिप्रुङमा दुर्घटनामा परेको जानकारी आएको छ । हेलिकाेप्टरमा ४ जना सवार रहेकाे बताइएकाे छ ।

प्रहरीको टोली घटनास्थलतर्फ गएको छ । थप विरण आउन बाँकी छ ।