सिम्रिक एयरकाे हेलिकोप्टर दुर्घटना : पाइलटसहित ५ घाइते, ३ जनाको अवस्था गम्भीर
मकालु खबर
काठमाडौँ । सिम्रिक एयरको हेलिकोप्टर संखुवासभाको भोटखोला–४ हम्मरेडाँडामा दुर्घटना हुँदा पाइलटसहित ५ जना घाइते भएका छन् । यी मध्ये २ जनाको अवश्था गम्भीर रहेको जिल्ला प्रशासन कार्यालय सङ्खुवासभाका प्रशासकीय अधिकृत भोगेन्द्र श्रेष्ठले बताए ।
घटनामा पाइलट, कोपाइलट, हेलिकोप्टरका टिम सदस्य छिरिङ भोटे, स्थानीय भविन गुरुङ र सुरेन्द्र पौडेल घाइते भएका छन् । घाइतेहरुको उपचारका लागि सिम्रिक एयरकै अर्को हेलिकोप्टर र नेपाली सेनाको हेलिकोप्टरबाट लैजाने तयारी भइरहेको छ ।
नेपाली सेनाले हेलिकोप्टरसहित ११ जना जनशक्ति उद्धारका लागि घटनास्थलमा खटाइएको नेपाली सेनाका प्रवक्ता सहायक रथी कृष्णप्रसाद भण्डारीले जानकारी दिएका छन् ।
माथिल्लो अरुण जलविद्युत् आयोजनाको ल्याब टेष्टका लागि ढुंगा तथा माटोलगायत स्याम्पल ओसार्ने काम सिम्रिक एयरको हेलिकोप्टरले गएिको काममा सिम्रिक एयरले रहेको थियो ।
अवतरणका क्रममा हेलिकोप्टर दुर्घटनामा परेको हो ।
मकालु खबर
