छोरालाई विश्वविद्यालय पुर्‍याएर फर्किँदै थिइन् प्रमीला

काठमाडौँ । अमेरिकाको टेक्ससमा भएको गाडी दुर्घटनामा एक नेपाली महिलाको मृत्यु भएको छ । एनआरएनए अमेरिकाज क्षेत्रका क्षेत्रीय उपसंयोजक रामकुमार सुवेदीकी पत्नी प्रमीला सुवेदीको मृत्यु भएको हो ।

बिहीबार छोरालाई विश्वविद्यालय पुर्‍याएर फर्किने क्रममा ४६ वर्षीया प्रमीलाले चलाएको गाडीलाई रक्डेल सिटीनजिकै बिहीबार साँझ ट्रकले ठक्कर दिँदा घटनास्थलमै निधन भएको थियो । दिवङ्गत प्रमीला नेपाली कांग्रेसका नेता तथा पूर्वमन्त्री दीपकप्रकाश बाँस्कोटाकी छोरी हुन् ।