झापामा बस्ने भनिएको एमालेको केन्द्रीय कमिटी बैठक च्यासलमा नै बस्ने
मकालु खबर
काठमाडौँ । नेकपा एमाले संसदीय दलको बैठकमा पार्टीको नेतृत्वलाई नक्कली भुटानी शरणार्थीलगायत विषयमा सांसदहरूले चासो देखाएका छन् ।
नयाँ बानेश्वरस्थित सङ्घीय संसद् भवनमा बसेको बैठकमा नक्कली भुटानी शरणार्थी प्रकरणमा सांसदहरूले चासो राखेको पार्टी सचिव योगेश भट्टराईले जानकारी दिए । बैठकमा अध्यक्ष केपी शर्मा ओलीले सो घटनामा संलग्न पार्टीका कुनै पनि व्यक्तिलाई संरक्षण नदिने र अनुसन्धानमा पूर्णरुपले सहयोग पुर्याउने जानकारी गराएको उनले बताए ।
‘हामी कानुनी हिसाबले अनुसन्धानमा सहयोग गर्छौँ । तर छानबिनका क्रममा कुनै पनि पूर्वाग्रह नराखियोस्, छानबिनलाई सहयोग गर्छौँ, छानबिन पारदर्शी र तथ्यपरक हुनुपर्छ, राजनीतिक आग्रहबाट मुक्त हुनुपर्छ’ अध्यक्ष ओलीको भनाइ उद्धृत गर्दै सचिव भट्टराईले भने ।
बैठकमा संसदीय दलका नेता ओलीले आजदेखि सुरु भएको बर्खे अधिवेशनमा प्रभावकारी ढङ्गले प्रस्तुत हुन, विषयवस्तुको राम्रोसँग अध्ययन गर्न, नियमित उपस्थित हुन र हरेक विधेयकदेखि आउने प्रस्तावमा गहन अध्ययन गर्न र ठोस् ढङ्गले प्रस्तुत हुन सांसदहरूलाई निर्देशन दिए ।
यस्तै, झापाको दमकमा तय भएको एमालेको केन्द्रीय कमिटी बैठक पार्टी कार्यालय च्यासलमा नै बस्ने भएको छ ।
बैठक वैशाख २८ गतेदेखि बैठक बस्ने गरी बैठक बोलाइएको छ ।
मकालु खबर
