म्यानचेस्टर युनाइटेड विजयी हुँदा चेल्सी रोकियो, टोटेनहमको अर्को हार

काठमाडौँ । ईङलिश प्रिमियर लिग अन्तर्गत म्यानचेस्टर युनाइटेडले वोल्भ्सलाई पराजित गरेको छ । शनिबार सम्पन्न खेलमा म्यानचेस्टर युनाइटेडले वोल्भ्सलाई २-० गोल अन्तरले पराजित गरेको हो ।

म्यानचेस्टर युनाइटेडको जितमा एन्थोनी मार्सियल र अलेजान्द्रो गार्नाचोले एक एक गोल गरेका थिए । यो जितपछि म्यानचेस्टर युनाइटेडको ३५ खेलमा ६६ अंक भएको छ र लिगमा चौथो स्थानमा रहेको छ । त्यस्तै वोल्भ्सको ३६ खेलमा ४० अंक रहेको छ र लिगमा १३औं स्थानमा छ ।

• अन्य नतिजा

चेल्सीविरुद्ध नटिङहम फरेस्ट (२-२)
लिड्सविरुद्ध न्यूक्यासल (२-२)
साउथह्याम्टनविरुद्ध फुलहम (०-२)
एस्टन भिल्लाविरुद्ध टोटेनहम (२-१)
क्रिस्टल प्यालेसविरुद्ध बर्नमाउथ (२-०)