एमालेले ३ संसदीय समितिको सभापति पाउने

काठमाडौँ । शीर्ष ३ दलका नेतृत्वबीच टिआरसी विधेयकलाई अब संसदीय उपसमिति बनाएर अघि बढाउने सहमति भएको छ । नेकपा एमालेका नेता सुवासचन्द्र नेम्वाङका अनुसार संसदीय विषयगत समितिमा दफावार छलफलमा गइसकेकोले अब उपसमिति बनाएर विधेयक टुंगोमा पुर्याइने भएको हो ।

उनका अनुसार अब नेकपा एमालेले संवैधानिक परिषद् सम्बन्धी विधेयकमा राखेको अडान त्याग्ने सहमति भएको छ ।

सहमति अनुसार एमालेले सार्वजनिक लेखा समिति र राज्यका निर्देशक सिद्धान्तसहित ३ समितिको सभापति पाउने सहमित भएको छ ।

संसदीय सुनुवाइ र राज्यका निर्देशक सिद्धान्तमा एमालेको सांसद संख्या र कांग्रेसको संसद संख्या बरारबर ४/४ हुने निर्णय भएको छ ।

यी सहमति कार्यान्वयनमा कुनै समस्या भए सहमति जुटाउने जिम्मा सुवास नेम्वाङ, हितराज पाण्डे र रमेश लेखकलाई दिने सहमति पनि बैठकले गरेको छ ।