सन्दीपको अन्तर्राष्ट्रिय ओडीआई बलिङ बरियताक्रम यथावत्
मकालु खबर २०८० जेठ ३ गते
काठमाडाैँ । नेपाली राष्ट्रिय क्रिकेट टोलीका बलर सन्दीप लामिछानेको एकदिवसीय अन्तर्राष्ट्रिय (ओडीआई) क्रिकेटको बलिङ वरियतामा यथावत रहेको छ ।
हालैको अन्तर्राष्ट्रिय क्रिकेट काउन्सिल (आईसीसी) को वरियतामा सन्दीप १९ औँ स्थानमा यथावत छन् ।
बलिङ वरियतामा सोमपाल कामी ६७औँ स्थानमा रहे भने दिपेन्द्रसिंह ऐरी ५५औँ स्थानमा रहे । अर्का फास्ट बलर करण केसी ९० औं स्थानमा यथावत छन् ।
नेपाली राष्ट्रिय क्रिकेट टोलीका कप्तान रोहितकुमार पौडेल ब्याटिङ क्रममा ६७ औं स्थानमा छन् । ब्याटिङमा ओपनर आसिफ शेख अझै ७४ औँ स्थानमा छन् ।
नेपाल अझै १४ औं स्थानमा छ । नेपालपछि नेदरल्याण्ड, ओमान, नामिबिया, अमेरिका, संयुक्त अरब इमिरेट्स र पपुवा न्युगिनी छन् ।
अष्ट्रेलिया पहिलो, पाकिस्तान दोस्रो, भारत तेस्रो र न्यूजिल्याण्ड चौथो स्थानमा छ ।
मकालु खबर २०८० जेठ ३ गते
प्रतिक्रिया
सम्बन्धित
