जसपा संसदीय दलको नेतामा उपेन्द्र यादव

काठमाडौँ । जनता समाजवादी पार्टी (जसपा) संसदीय दलको नेतामा उपेन्द्र यादव चयन भएका छन् ।

सोमबार बसेको पार्टी संसदीय दलको बैठकले यादवलाई उक्त जिम्मेवारी दिएको जसपा नेता अशोक राईले बताए ।

गत मंसिर ४ मा भएको प्रतिनिधि सभाको निर्वाचनमा यादव सप्तरी २ मा जनमत पार्टीका नेता डा. सीके राउतसँग पराजित भएका थिए ।

यादव पराजित भएपछि बारा २ बाट निर्वाचित रामसहायप्रसाद यादव दलको नेता बनेका थिए ।

तर गत चैत ३ गते भएको उपराष्ट्रपतिको निर्वाचनमा रामसहायप्रसाद यादव विजयी भएपछि जसपा दलको नेता पद खाली थियो ।

सर्वसम्मत दलको नेता बनेका उपेन्द्र यादव वैशाख १० गते बारा २ मा भएको उपनिर्वाचनबाट प्रतिनिधि सभा सदस्यमा विजयी भएका थिए ।