पहिचान पक्षधरसँग समिति बनाएर वार्ता गर्न कांग्रेस कोशीको आग्रह

काठमाडौँ । कोशी प्रदेशमा प्रदेशको नामसँग असहमति राख्दै आन्दोलनमा उत्रिएकाहरुको जायज मागलाई सम्बोधन गर्न नेपाली कांग्रेस कोशी प्रदेश कार्यसमितिले प्रदेश सरकारसँग माग गरेको छ ।

बिहीबार एक प्रेस विज्ञप्ति जारी गरी प्रदेश समितिले पहिचानको पक्षमा आन्दोलन गरिरहेकाहरुको माग सम्बोधन गर्न एक वार्ता समिति बनाउन समेत माग गरेको छ ।

पहिचानको पक्षमा आन्दोलनमा उत्रिएकाहरुलाई गोली हाल्ने, लाठी चार्ज गर्ने र धरपकड गर्ने जस्ता कार्य नगर्न पनि कोशी कांग्रेसले माग गरेको छ ।