पुरै मन्त्रिमण्डल एकैसाथ धार्मिकस्थलमा जाँदा प्रश्न उठ्छ

काठमाडौँ । समाजवादी पार्टी नेपालका अध्यक्ष डा. बाबुराम भट्टराईले पुरै मन्त्रिमण्डल एकैसाथ धार्मिक स्थलमा जाँदा प्रश्न उठेको टिप्पणी गरेका छन् ।

शनिबार प्रधानमन्त्री पुष्पकमल दाहाल प्रचण्ड आफ्नो क्याबिनेटका केही मन्त्रीहरूसहित पशुपतिनाथ मन्दिर पुगेको प्रसङ्गमा टिप्पणी गर्दै डा. भट्टराईले पुरै मन्त्रिमण्डल एक साथ धार्मिक स्थलमा जाँदा त्यो राजनीतिक हुने र प्रश्न उठ्ने बताएका छन् ।

नयाॅ ‘सांस्कृतिक क्रान्ति’ र ‘सांस्कृतिक नक्सा’??एक्लै कोही कुनै धार्मिक स्थल जाॅदा प्रश्न उठउन मिल्दैन;त्यो उसको निजी आस्थाको कुरा हो। तर जब पूरै मन्त्रीमण्डल एकैसाथ जान्छ तब त्यो राजनीति हुन्छ र प्रश्न उठ्छ! pic.twitter.com/tzr346eyQY

— Baburam Bhattarai (@brb1954) June 10, 2023

प्रधानमन्त्री प्रचण्ड हालै सम्पन्न भारत भ्रमणमा गेरु वस्त्र लगाएर मन्दिरमा पूजा गरेको विषय अहिले पनि चर्चामा रहेको छ । सरकारका मन्त्रीहरूसहित भारतमा पूजा गरेका प्रचण्ड फेरी शनिबार उनै मन्त्रीहरूसँग पशुपतिनाथको दर्शन गरेका थिए ।