काठमाडौँ महानगरले रोक्यो भृकुटीमण्डपमा सुरु भएको शैक्षिक मेला

काठमाडौँ । काठमाडौँ महानगरपालिकाले भृकुटीमण्डपमा आजदेखि सुरू भएको शैक्षिक मेला बन्द गराएको छ ।

महानगरसँग कुनै पनि अनुमति नलिएकाे, एसइई तथा कक्षा ११ र १२ को परीक्षाफल प्रकाशित हुनअधि नै शैक्षिक मेलाको नाममा विद्यालयहरुले शुल्क असुल्न र भर्नाका लागि नाम टिपाउने गरेको, मेलामा ११ र १२ पढाउने मात्रै कलेजकाे सहभागिता रहेकाे जस्ता कारणले मेला राेक्नु परेकाे महानगरका मेयर बालेनका प्रेस सहजकर्ता सुरेन्द्र बजगाइँले जानकारी दिएका छन् ।

महानगरले मेला राेकेपछि अहिले आयाेजक संस्थाका अधिकारीहरू महानगरपालिकासँग समन्वयका लागि गएका छन् ।

उक्त मेलाको एक समारोहकाबीच सभामुख देवराज घिमिरेले बिहीबार बिहान उद्घाटन गरेका थिए ।

उक्त मेलामा ५० भन्दा बढी उच्च शिक्षा अध्ययन अध्यापन गराउने शैक्षिक संस्थाहरुको सहभागिता छ ।