नेपालमा सबै भारतीय फिल्म रोक्न संघीय सरकारलाई बालेनले पठाए पत्र

काठमाडौँ । भारतीय फिल्म ‘आदिपुरुष’को विवादित संवाद नहटाएसम्म सबै भारतीय फिल्मको नेपालमा प्रदर्शन रोक्न काठमाडौँ महानगरका मेयर बालेन साहले संघीय सरकारलाई पत्र पठाएका छन् ।

मेयर साहले हालै रिलिज भएको उक्त भारतीय फिल्ममा ‘जानकी भारतकी छोरी हुन्’ भन्ने आपत्तिजनक सम्वाद रहेकोले उक्त अंश हटाउन पहल गर्न आग्रह गर्दै सञ्चार तथा सूचना प्रविधि मन्त्रालयलाई पत्र लेखेका हुन् । उनले उक्त भारतीय फिल्मको यथावत् प्रदर्शन भएमा नेपालको राष्ट्रियता, सांस्कृतिक एकता र राष्ट्रिय विभूतिमाथि ठाडो प्रहार भई अपूरणीय क्षति हुने पत्रमा उल्लेख गरेका छन् ।

उनले भारतले उक्त फिल्ममार्फत नेपालमाथि सांस्कृतिक अतिक्रमण गरेको भन्दै महानगरको गम्भीर ध्यानाकर्षण भएको जनाएका छन् ।

यस्ताे छ पत्र