सामाजिक कार्यमा अग्रसर बन्दै खप्तड स्वामी युवा क्लब/सेवा समाज

काठमाडौँ । युवाहरूलाई सामाजिक कार्यमा लाग्न उत्साह प्रदान गरिरहेको खप्तड स्वामी युवा क्लब/सेवा समाजले स्कुललाई डस्बिन वितरण गरेको छ । बाजुराको खप्तड क्षेडेदह गाउँपालिका वडा नम्बर १ सिंग्राका युवाहरू आबद्ध खप्तड स्वामी युवा क्लब/सेवा समाजले वडामै रहेको स्कुललाई डस्बिन वितरण गरेको हो ।

खप्तड स्वामी युवा क्लब २०७० साल वैशाख १० गते स्थापना भएको हो । क्लबले एक दशकको यात्रा तय गर्दैगर्दा भारतमा पनि क्लबकै अंगको रूपमा खप्तड स्वामी सेवा समाज भारत विस्तार गरिएको छ । सोही सेवा समाजको अग्रसरतामा काट्टेमा रहेको श्री दुर्गा भवानी आधारभूत विद्यालयलाई फोहोर व्यवस्थापनमा सहजताका लागि १२ वटा डस्बिन उपलब्ध गराएको हो ।

समाजका अध्यक्ष कुलबहादुर रावलकाअनुसार क्लबका सल्लाहकार राजकुमार रावलको नेतृत्वमा विद्यालयलाई डस्बिन हस्तान्तरण गरिएको छ । ‘सहयोग स्वरूप १२ वटा डस्टबिन हस्तान्तरण गरेका छौँ,’ अध्यक्ष रावलले भने, ‘जसमा ८ वटा हाम्रो खप्तड स्वामी युवा क्लबका सम्पूर्ण सदस्यहरूले आर्थिक संकलन गरी पठाएको हौँ भने बाँकी ४ अमेरिका बस्दै आउनु भएकी टेरेसा रावल कुँवरले आफ्नो छोराको जन्मदिनको अवसरमा आर्थिक सहयोग गर्नु भएको हो ।’

अमेरिका बस्ने रावल कुँवरको माइती घर पनि सिंग्रा नै हो । विद्यालयको प्रधानाध्यापक ओमप्रकाश जोशीसहित शिक्षक/शिक्षिकाको उपस्थितिमा क्लबका उपाध्यक्ष जगत रावल, सल्लाहकार, सदस्यको सहभागितामा शुक्रबार डस्बिन हस्तान्तरण गरिएको छ । ‘समाजमा युवाहरूलाई केही सृजनशील काममा लाग्न हौसाउने र सङ्गठित गर्ने उद्देश्यले क्लब स्थापना गरिएको हो,’ अध्यक्ष रावल भन्छन्, ‘सामाजिक उत्तरदायित्वको कामलाई पनि अघि बढाउँदै आएका छौँ । दुखी पीडित वर्गका निम्ति सक्दो सहयोग गर्नु पनि हाम्रो धर्म हो ।’

उनले क्लबको समितिका उपाध्यक्ष, सचिव, सहसचिवहरू, कोषाध्यक्ष र सम्पूर्ण सदस्यप्रति आभार प्रकट गर्दै उनले सहयोगीहरूलाई धन्यवाद दिए । विश्वभर फैलिएको कोरोना महामारीका बेला पनि क्लबले सचेतनामूलक काम गर्दै स्वास्थ्य सामग्री वितरण गरेको थियो ।

यो पनि : खप्तड स्वामी युवा क्लबद्वारा स्वास्थ्य सामग्री वितरण