युरोकप छनौटमा पोर्चुगलको शतप्रतिशत जित, बेल्जियम र नर्वे पनि विजयी (अन्य नतिजासहित)

काठमाडौँ । युरोकप छनौट खेलमा पोर्चुगलले आइसल्याण्डलाई पराजित गरेको छ । गएराती सम्पन्न खेलमा पोर्चुगलले आइसल्याण्डलाई १-० गोल अन्तरले पराजित गरेको हो ।

पोर्चुगलको जितमा क्रिस्टियानो रोनाल्डोले खेलको ८९औँ मिनेटमा गरेको गोल नै खेलको निर्णायक गोल बनेको थियो ।

यो रोनाल्डोको अन्तर्राष्ट्रिय फुटबलमा १२३औं गोल हो । रोनाल्डोले २०० खेल खेल्दै अहिलेसम्म १२३ गोल गरेका छन् । रोनाल्डो अन्तर्राष्ट्रिय फुटबलमा सबैभन्दा बढी खेल्ने र सबैभन्दा बढी गोल गर्ने खेलाडी रहेका छन् ।

यस खेलमा खेलको ८०औँ मिनेटमा आइसल्याण्डका विलुम्सोंनले रातो कार्ड पाएपछि आइसल्याण्ड १० खेलाडीमा सिमित भएको थियो ।

यो जितसँगै समूह जे मा पोर्चुगलको यो लगातार चौथो जित हो । पोर्चुगल ४ खेलमा १२ अंकसहित समूहमा शीर्ष स्थानमा रहेको छ । त्यस्तै आइसल्याण्डको भने ४ खेलमा ३ अंक रहेको छ ।

अन्य नतिजा :-