बेहुलीको घरमा टिकाटालो गरेर फर्केको गाडी खस्यो, ५ जनाको मृत्यु

काठमाडौँ । गोरखामा जिप दुर्घटना हुँदा पाँच जनाको मृत्यु भएको छ । जिप जिल्लाको शहीद लखन गाउँपालिका-३ स्थित पातले खोलामा शुक्रबार बिहान सवा एक बजे दुर्घटना भएको हो ।

प्रमुख जिल्ला अधिकारी दिनेशसागर भुसालकाअनुसार ताक्लुङबाट शहीद लखन ३ चिलिङकोटस्थित बेहुलीको घरमा गएर टिकाटालो गरेर फर्किँदै गरेको प्रदेश ३-०१-०२३ च २४२७ नम्बरको जिप गएराति दुर्घटना भएको हो । प्रहरीले पाँच जनाको मृत्यु भएको भनेर पुष्टि गरेको उनले बता । मृतकको पहिचान खुल्न बाँकी छ ।

बेहुला पक्षका तीनवटा गाडी चढेर टीकाटालो गर्न गएका थिए । तीनवटा गाडीहरूमध्ये एउटा गाडी राति साढे १२ बजेतिर दुर्घटना भएको प्रमुख जिल्ला अधिकारी भुसालले जानकारी दिए गाडीमा १६/१७ जना सवार रहेको अनुमान गरिएको छ ।

अहिले घटनास्थलमा नेपाली सेना, सशस्त्र र नेपाल प्रहरी परिचालन गरिएको छ । घाइते सबैलाई उपचारका लागि तनहुँ पठाइएको र केही डिस्चार्ज समेत गरिएको छ ।