पहिरोले घर पुर्दा छोराछोरीसहित गुरुङ दम्पतीको मृत्यु

काठमाडौँ । ओखलढुंगाको चम्पादेवी गाउँपालिका ८ बिलन्दुमा ओखलढुंगामा पहिरोले घर पुरिँदा छोराछोरीसहित दम्पतीको भएको छ । बिहीबार राति पहिरोमा परी ३६ वर्षीय रणबहादुर गुरुङ, उनकी पत्नी ३१ वर्षीया शिवमाया १० वर्षीय छोरा दिनेश र १८ महिनाकी छोरी कृतिकाको मृत्यु भएको हो ।

पहिरोमा परेका गुरुङ दम्पतीको शव बिहानै भेटिएको थियो भने बेपत्ता रहेका दिनेश र कृतिकाको शव केहीबेर अघि फेला पारेको हो । जिल्ला प्रहरीका डिएसपी दीपकबहादुर केसीकाअनुसार पहिरोले रणबहादुरकोसमेत गरेर तीन घर बगाएको छ ।

स्थानीय बलबहादुर गुरुङ र नरसिंह गुरुङको घर बगाए पनि परिवारका सदस्यहरू भागेर जोगिन सफल भएका थिए । प्रहरीका अनुसार पहिरो प्रभावित क्षेत्रमा गएरातिदेखि नै नेपाल प्रहरी र सशस्त्र प्रहरीको टोली उद्धारमा परिचालित छन् ।