सांसद गौतम ‘वन योङ वर्ल्ड पोलिटिसियन अफ द इयर’ अवार्डको सर्टलिस्टमा

राष्ट्रिय स्वतन्त्र पार्टीकी सांसद सोविता गौतम ‘योङ वर्ल्ड पोलिटिसियन अफ द इयर’ अवार्डको सर्टलिस्टमा छानिएकी छन्।

आयोजक वन योङ वर्ल्डले सोवितासँगै विभिन्न देशका १५ सांसद, मेयर लगायतलाई सर्टलिस्टमा समेटेको छ । जसमा चिलीकी महिला तथा लैंगिक समतामन्त्री एन्टोनिया कस्मिका पनि परेकी छन्।

२७ वर्षीया सोबिता नेपाली इतिहासमा सबैभन्दा कान्छी निर्वाचित सांसद हुन्। रास्वपाको संस्थापक सदस्य समेत हुन्।

संस्थाले सर्टलिस्टमा परेकामध्ये ५ जनालाई अवार्ड प्रदान गर्नेछ।

द वन योङ वर्ल्ड पोलिटिसिएन अफ द इयर अवार्ड हरेक वर्ष १८÷३५ वर्ष उमेर समूहका प्रभावशाली राजनीतिज्ञहरूलाई प्रदान गरिन्छ।

संस्थाले बेलफास्ट बेलायतमा आगामी २ देखि ५ अक्टोबरसम्म द वन योङ वर्ल्ड समिट गर्दैछ । सोही समिटमा बिजेता घोषणा गरिनेछ ।