रोमानियामा गाइरहेका प्रकाश सपुतमाथि मञ्चमै बोतल प्रहार

काठमाडौँ । गायक प्रकाश सपुतमाथि प्रत्यक्ष प्रस्तुतिका क्रममा मञ्चमै बोतल प्रहार भएको छ । रोमानियामा नेपालीहरुले आयोजना गरेको एक सांगीतिक कार्यक्रममा उनीमाथि बोतल प्रहार भएको हो ।

नेपाली समयानुसार आइतबार राति १२ बजे स्टेजमा गीत गाइरहेका बेला सपुतको टाउकोमा दर्शकबाट बियरको बोतल प्रहार भएको हो ।

उक्त प्रहारबाट सपुतको निधारमा सामान्य चोट लागेको छ । सपुतलाई मादक पदार्थ सेवन गरेका कसैले सांगीतिक उत्तेजनामा आएर बोतल प्रहार गरेको बताइएको छ ।

उक्त घटनापछि आधा घण्टा कार्यक्रम रोकिएको थियो । पछि सपुतले गायन सुरु गरेका थिए ।