ललिता निवास काण्ड : पूर्व निर्वाचन आयुक्त सुधीरकुमार शाहसहित पक्राउ पर्ने ७ पुगे

काठमाडौँ । बालुवाटारस्थित ललिता निवासको सरकारी जग्गा किर्ते गरी व्यक्तिको नाममा पास गर्ने प्रकरणमा पूर्व निर्वाचन आयुक्त सुधीरकुमार शाह पनि पक्राउ परेका छन् । उनी २०७३ भदौदेखि २०७५ चैतसम्म निर्वाचन आयुक्तको पदमा रहेका थिए ।

उनी समेत मंगलबार यो प्रकरणमा पक्राउ पर्नेको संख्या ७ पुगेको छ ।

यसअघि डिल्ली बजार मालपात कार्यालयका तत्कालिन प्रमुखसहित ५ जना र भाटभटेनी सुपरमार्केटका सञ्चालक मीनबहादुर गुरुङ पक्राउ परिसकेका छन् । यो प्रकरणमा १७५ जना दोषी रहेको भन्दै उनीहरुलाई मुद्दा चलाउन अख्तियार दुरुपयोग आयोगको अनुसन्धान प्रतिवेदनले सिफारिस गरेको थियो ।