नेताज्यूहरू, वर्षभरि नै धान रोपे ‘भारतको गुलाम’ हुनुपर्दैन : बालेन

काठमाडौँ । काठमाडौँ महानगरका मेयर बालेन शाहले राजनीतिक दलका नेताहरूलाई फेरि ‘भारतको गुलाम’को संज्ञा दिएका छन् । शुक्रबार राति सामाजिक सञ्जालमार्फत बालेनले नेताहरूलाई वर्षभरि धान रोपे भारतीय गुलाम हुनुनपर्ने बताएका हुन् ।

उनले लेखेका छन्, ‘नेताज्यूहरूले यसरी नै वर्षभरि नै धान रोपिदिनुभो भने तपाईँहरू भारतको गुलाम हुनु पर्दैन ।’

बालेनले सामाजिक सञ्जालमार्फत बेलाबेला नेताहरूलाई विभिन्न आरोप लगाउँदै आएका छन् । शुक्रबार धान दिवसको अवसर पारेर केही नेताहरूले किसानहरूको खेतमा गएर धान रोपेका थिए ।