कोशी प्रदेश प्रमुखद्वारा नयाँ सरकार गठनको आह्वान, ५ दिनको समय

काठमाडौँ । कोशी प्रदेशमा नयाँ सरकार गठनका लागि प्रदेश प्रमुखले परशुराम खापुङले आह्वान गरेका छन् ।

उनले संविधानको धारा १६८ (२) अनुसार दुई वा दुईभन्दा बढी दलहरुको गठबन्धन सरकार गठनका लागि खापुङले आइतबार आह्वान गरेका छन् । उनले सरकार गठनका लागि ५ दिनको समय दिएका छन् ।

यस अनुसार २१ असारभित्र दलहरुले आफ्नो पक्षमा प्रदेश सभा सदस्यको बहुमत पु¥याएर सरकार गठनका लागि मुख्यमन्त्रीमा दाबी पेश गर्नुपर्ने छ ।

गएको शुक्रबार एमालेका मुख्यमन्त्री हिक्मत कार्कीले प्रदेश सरकारमा विश्वासको मत नपाएपछि उनको सरकार ढलेको थियो ।