दुर्गा प्रसाईलाई हत्याको धम्की दिँदै फिरौती माग्ने पक्राउ

काठमाडौँ । मेडिकल व्यवसायी दुर्गा प्रसाईलाई हत्याको धम्की दिँदै फिरौती माग्ने व्यक्ति पक्राउ परेका छन् ।

पक्राउ पनेृउमा खोटाङको राहबेशी गाउँपालिका १ घर भई काठमाडौँ महानगरपालिका ४ चुनदेवी बस्ने ४० वर्षका समेशकुमार गुरुङ रहेका छन् । नेपाल प्रहरीको केन्द्रीय अनुसन्धान व्युरो (सीआईबी)ले उनलाई महाराजगञ्जबाट पक्राउ गरेको हो ।

गुरुङले प्रवेश लामाको नामबाट १३ असारका दिन साँझ सबा ६ बजे फोन गरेर ३० करोड रुपैयाँ नदिए हत्या गर्ने धम्की दिएका थिए । त्यसैगरी उन पटक पटक एसएमएस गरी धम्की दिएको पनि प्रहरीले जनाएको छ ।

पक्राउ परेका गुरुङलाई आवश्यक अनुसन्धान गरी कारवाहीका लागि प्रहरी वृत्त महाराजगञ्ज पठाइएको बताइएको छ ।