कांग्रेस केन्द्रीय समितिको बैठक जारी

काठमाडौँ । नेपाली कांग्रेस केन्द्रीय समितिको बैठक जारी छ । कांग्रेसको पार्टी केन्द्रीय कार्यालय सानेपामा बैठक दिउँसो १ बजेदेखि सुरु भएको हो ।

बैठकमा अहिले पार्टीका उपसभापति, महामन्त्रीहरुले पार्टीका समसामयिक विषय, राजनीतिक, आर्थिक, सामाजिक, परराष्ट्र र सुशासनसँग सम्बन्धित विषयहरुमा छलफल भइरहेको छ ।

राष्ट्रवादी अभियानको खाका प्रस्तुत, अनुशासन समितिको प्रतिवेदन पेश गर्ने एजेण्डा पनि रहेको छ ।

अरु एजेण्डाहरुमा पार्टीले प्रतिनिधि सभामा खेलेको भूमिकाको सन्दर्भमा संसदीय दलका प्रमुख सचेतक रमेश लेखकले बैठकमा जानकारी गराउने र उपसभापति तथा उपप्रधानमन्त्री पूर्णबहादुर खड्काले सरकारको गतिविधिहरुको सम्बन्धमा बैठकलाई जानकारी गराउने रहेको छ ।