थाइल्याण्डको दुसिट होटल्स एण्ड रिसोर्टस्ले सञ्चालनमा ल्यायो दुसिट प्रिंसेस काठमाडौँ
मकालु खबर
काठमाडौँ । दुसिट इन्टरनेशनल अन्तर्गतको दुसिट होटल्स एण्ड रिसोर्टस् दुसिट प्रिंसेस काठमाडौँको उद्घाटन गर्दै नेपालमा पहिलो पटक प्रवेश गर्दैछ । यही महिना १७ जुलाई २०२३ मा दुसिट प्रिंसेस काठमाडौँको उद्घाटन गर्न लागिएको हो ।
थाइल्याण्डको अग्रणी होटल र सम्पत्ति विकास कम्पनीहरू मध्ये एक, दुसिट इन्टरनेशनल अन्तर्गतको दुसिट होटल्स एण्ड रिसोर्टस् पनि हो । रिसोर्टस्ले चाँडै नै नेपाली पाहुनाहरूलाई स्वागत गर्ने बताइएको छ ।
रिसोर्टस्ले आराम, मूल्य र सुविधाको कदर गर्ने व्यवसायी र फुर्सदमा घुम्न आउने यात्रुहरूका लागि तयार गरिएको दुसिट प्रिंसेस काठमाडौँ राजधानीको चर्चित लाजिम्पाटमा अवस्थित रहेको बताएको छ । नारायणहिटी दरबार सङ्ग्रहालयबाट छोटो पैदल दुरीमा र त्रिभुवन अन्तर्राष्ट्रिय विमानस्थलबाट गाडिमा मात्र १८ मिनेटको दरीमा यो होटल अवस्थित रहेको बताएको छ ।
उक्त होटेलमा स्टिम कोठा, सौना कोठाको पनि सुविधा रहेको छ । होटलले चाँडै नै थाइ मसाज थेरापी र सौन्दर्य उपचारहरूको सेवा विस्तार गर्ने जानकारी दिएको छ ।
मकालु खबर
