एक क्विन्टल सुन तस्करी प्रकरणमा भन्सार अधिकृत र एजेन्टसहित ६ पक्राउ

काठमाडौँ । त्रिभुवन अन्तर्राष्ट्रिय विमानस्थल भन्सारबाट एक क्विन्टल सुन तस्करी प्रकरणमा विमानस्थलका भन्सारका ३ कर्मचारी र ३ जना भन्सार एजेन्ट पक्राउ परेका छन् ।

राजस्व अनुसन्धान विभागबाट खटिएको प्रहरीसहितको टोलीले उनीहरुलाई आइतबार पक्राउ गरेको हो । पक्राउ पर्नेमा भन्सार अधिकृत सन्तोष चन्द, खरिदार एवम् जाँचकी कुमार ढकाल र एक्सरे अपरेटर सरोज श्रेष्ठ रहेका छन् ।

त्यस्तै भन्सार एजेन्ट यादवशंकर पराजुली, सुदर्शन गौतम र रुकमिना सुब्बा छन् ।

विशेष टोलीले आइतबार उनीहरूलाई पक्राउ गरिएको हो । योसँगै सुन तस्करी प्रकरणमा पक्राउ पर्नेको संख्या १६ जना पुगेको छ ।