सप्तरीमा एक महिलालाई ५ जनाले जबरजस्ती करणी गरेको आरोप, ३ जना पक्राउ

सप्तरीमा एक महिलालाई ५ जनाले जबरजस्ती करणी गरेका छन्।

३५ वर्षीया महिलालाई जबरजस्ती करणी गरेको अभियोगमा ३ जनालाई आइतबार प्रहरीले पक्राउ गरेको छ । पक्राउ पर्नेहरूमा शम्भुनाथ नगरपालिका ५ मोहनपुर बस्ने २५ वर्षीय शिव कुमार सदा, ४० वर्षीय उमेश सदा र ३२ वर्षीय श्री नारायण सदा रहेका छन् ।

उनीहरू समेतका ५ जनाले सोही नगरपालिका ५ स्थित नर्सरीमा ती महिलालाई शनिबार राति जबरजस्ती करणी गरेको सप्तरीका एसपी नरेन्द्र कार्कीले जानकारी दिए।

आइतबार उजुरी परेपछि उनीहरूलाई प्रहरीले पक्राउ गरेको हो। साथै घटनमा संलग्न हाल फरार अन्य २ जनाको खोजी गरिरहेको छ।