राष्ट्रिय अनुसन्धान विभागका इन्स्पेक्टर मृत भेटिए, सडक दुर्घटनामा परेको अनुमान

काठमाडौँ । राष्ट्रिय अनुसन्धान विभागका एक अनुसन्धान अधिकृत (इन्स्पेक्टर) सर्लाहीमा मृत अवस्थामा भेटिएका छन् । ईश्वरपुर नगरपालिका ६ बयलबासका २९ वर्षीय वसन्त साह फूलजोर–त्रिभुवननगर सडकको खोरिया टोल नजिक मृत भेटिएका हुन् ।

उक्त सडकमा पर्ने साने कल्भर्ट पुनमुनि उनी दुर्घटनाग्रस्त अवस्थामा रहेको मोटरसाइकलसँगै मृत फेला परेका हुन् ।

उनी राष्ट्रिय अनुसन्धान कार्यालय मलंगवामा कार्यरत रहेका थिए । उनको शव पोष्टमार्टमका लागि प्रादेशिक अस्पताल पठाइएको छ ।