एमालेको अवरोधपछि प्रतिनिधि सभाको बैठक स्थगित

काठमाडौँ । प्रमुख प्रतिपक्षी दल नेकपा एमालेले नाराबाजीसहित प्रतिनिधिसभा बैठकमा अवरोध गरेपछि बैठक स्थगित भएको छ ।

खासगरी सुन काण्डमा सरकारले भरियाहरुलाई मात्र समातेर जेलमा हालेको र मुख्य नाइकेहरुलाई नसमातेको भन्दै सुन तस्करलाई कारवाही गर्न माग गर्न एमालेले सदन अवरोध गरेको हो ।

एमालेका सांसदहरुले सुन तस्करलाई कारवाही गर भन्दै नारासहित रोष्ट्रम घेरेपछि सभामुख देवराज घिमिरेले १५ साउनसम्मका लागि संसद बैठक स्थगित गरेको घोषणा गरेका छन् ।