नागरिक उन्मुक्ति छाडेकी धमला पत्नी एलिजा ओलीलाई भेट्न बालकोटमा

रेशम चौधरीले स्थापना गरेको नागरिक उन्मुक्ति छाड्दै सक्रिय राजनीतिबाट विश्राम लिएको घोषणा गरेकी ऋषि धमला पत्नी एलिजा गौतम नेकपा एमालेका अध्यक्ष केपी शर्मा ओलीलाई भेट्न बालकोट पुगेकी छन् ।

ओलीसँग भेट गरेको भन्दै उनले सामाजिक सञ्जाल फेसबुकमा तस्बिरहरु सार्वजनिक गरेकी छन् ।

‘नेकपा एमालेका अध्यक्ष एवम् पूर्वप्रधानमन्त्री केपी शर्मा ओली बुवासँग बालकोटमा विशेष भेटवार्ता । भेटमा बुवाले दर्शाउनु भएको सद्भाव, माया, आशीर्वाद, प्रेरणा, उर्जा र मार्गनिर्देशनप्रति अनुग्रहित छु’, उनले लेखेकी छन्, ‘आजको भेटमा यहाँको राजनीतिक अनुभव, चेतना र आत्मविश्वास मेरा लागि अनुकरणीय छ । बुवासँगको भेटबाट कलाकारितासँगै राजनीति र समाजसेवा गर्ने मेरो चाहना र हुटहुटीमा मलजल पुग्नुका साथै फलदायी बन्नेछ ।’

२०७९ माघ १४ गते उनी नागरिक उन्मुक्तिमा पार्टीमा प्रवेश गरेकी थिइन्।