भत्किएको महानगरलाई कसले बनाउने ? (तस्बिरहरू)

काठमाडौँ । काठमाडौँ महानगरपालिका भित्रका क्षेत्र अहिले अस्तव्यस्त र अव्यवस्थित छन् । महानगर भित्रका संरचनाहरू भत्काइएका छन् तर बनाइएका छैनन् । सार्वजनिक एवं सरकारी जग्गाहरू मिचेर निजी स्वार्थका लागि संरचना बनाउनु गलत हो ।

त्यसैले पनि काठमाडौँ महानगरपालिकाले त्यसरी निर्माण गरिएका संरचना भत्काइदिएको छ । यतिसम्म की खहरे खोला, नदीहरू मिचेर समेत घर, भवनहरू निजी स्वार्थका लागि बनाइएको पाइएको छ ।

केही दिनअघि मात्रै खहरे खोला मिचेर बनाइएका कपन क्षेत्रका घरहरूमा महानगरले डोजर चलाएको थियो । त्यतिमात्रै होइन, हात्तिसारमा टुकुचा खोला मिचेर बनाइएका संरचना, सामाखुशीमा नदी उत्खनन, रत्नपार्कमा हडपेर राखिएका पसलहरू लगायत मिचेर बनाइएका संरचना महानगरपालिकाले भत्काउँदै आएको छ ।

तर यसको असर र यसबाट मानव स्वास्थ्यमा उत्पन्न हुने समस्याका बारेमा महानगर अनविज्ञ झैँ छ । भत्काइदिएको त छ तर त्यसलाई कसरी व्यवस्थापन गर्ने भन्ने योजना महानगरको हालसम्म पनि देखिँदैन । महानगर क्षेत्रमा अव्यवस्थित र सार्वजनिक सम्पत्ति हडपेर बनाइएका संरचनामा काठमाडौँ महानगरपालिकाका प्रमुख बालेन्द्र साहले डोजर लगाएका त छन् तर त्यसलाई व्यवस्थित बनाउने योजना उनीबाट अहिलेसम्म पनि आएको देखिँदैन ।

किनभने महानगरपालिकाले संरचनाहरू भत्काएर मात्रै छोडेको छ, बनाउन थालेको कतै छैन । भत्काइएका संरचनामाथि झारपात उम्रिसकेका छन् । सामाखुशी नदी उत्खननपछि खोला किनारका पसलहरूको अस्तव्यस्तता हेर्नुहोस् वा रत्नपार्कका पसलहरू हटाएर सार्वजनिक शौचालय निर्माणका लागि सम्म्याइएको जमिनको अवस्था हेर्नुहोस्, अवस्था भद्रगोल छ ।

कपनका खोला उत्खननपछिको अवस्था होस् वा अनामनगरस्थित सार्वजनिक जग्गामा बनेको भद्रकुमारी घले आश्रमको घर भत्काइएपछिको दुरावस्था हेर्नुहोस् । कतैपनि भत्काइएपछि व्यवस्थित बनाइएको छैन ।

त्यसैले महानगरपालिकाले भत्काउनेसँगै व्यवस्थित र नागरिकलाई हिँडडुल गर्न सहज बनाइदिनेसँगै काठमाडौँलाई अझ सुन्दर बनाउने काममा लाग्दा अझ उपयुक्त र नागरिक जनप्रतिनिधिप्रति आशावादी हुनेछन् ।

अनामनगरस्थित सार्वजनिक जग्गामा बनेको भद्रकुमारी घले आश्रमको घर भत्काइदै ।
अनामनगरको भद्रकुमारी घलेको आश्रम भत्काउदै श्रमिक।
खोला खोलेपछि कपन मिलनचोक ।
खोला हेर्दै कपन मिलनचोकका बासिन्दा ।
कपन मिलनचोक सडक भत्काएर खोला उत्खनन गरिदै ।
कपनका खोला उत्खननका क्रममा साततले ।
रत्नपार्कलाई खुल्ला राख्न संरचना भत्काएर मिलाइएको माटो ।
रत्नपार्कका पसलहरु हटाएर सार्वजनिक शौचालय निर्माणका लागि सम्याइएको जमिन ।
सामाकोशी नदि उत्खननपछि खोला किनाराका पसलहरु ।
सामाकोशी खोला उत्खननका क्रममा ।
हात्तिसारमा टुकुचा खोलामाथि खनेपछि उम्रेको झारपात ।
प्रतिक्रिया

Leave a Reply

Your email address will not be published. Required fields are marked *