कीर्तिपुरमा चितुवाले आक्रमण गर्दा एक घाइते, कुखुराको खोरभित्रै छ चितुवा

काठमाडौँ । कीर्तिपुरको थापागाउँमा चितुवाले आक्रमण गर्दा एक जना घाइते भएका छन् । कीर्तिपुर नगरपालिका-४ को पुष्पलाल पार्क नजिकै पर्ने थापागाउँमा गएराति कुखुरा पालन गरेको ठाउँमा कुरुवा बसेका एक जनालाई चितुवाले आक्रमण गरेको हो ।

कीर्तिपुर-४ का कार्यवाहक अध्यक्ष दिनेशचन्द्र दाहालका अनुसार चितुवा कुखुराको खोरभित्रै थुनिएको छ । गएको वैशाख २० गते कीर्तिपुरको त्रिभुवन विश्वविद्यालय र वरपरका क्षेत्रमा आतङ्क फैलाइरहेको चितुवा नियन्त्रणमा लिइएको थियो ।