म्यानचेस्टर सिटीको शतप्रतिशत जित, सनको ह्याट्रिकमा टोटनह्याम विजयी

काठमाडौँ । डिफेन्डिङ च्याम्पियन म्यानचेस्टर सिटीले इंग्लिस प्रिमियर लिगमा आफ्नो शतप्रतिशत जितको प्रदर्शनको क्रम कायम राख्दै फुलह्यामलाई ५-१ ले हराएको छ । लगातार चौथो जितपछि अधिकतम १२ अंकसहित सिटी शीर्ष स्थानमा छ ।

म्यानचेस्टर सिटीको जितमा इर्लिंग हालाण्डले दुई गोल गरेका थिए भने जुलियन अल्भारेज र नाथन एकेले एक एक गोल गरेका थिए । फुलह्यामका लागि टिम रीमले एक गोल गरेका थिए ।

अर्काे खेलमा टोटनह्यामले बर्नलीमाथि शानदार जित हासिल गरेको छ । शनिबार सम्पन्न खेलमा १-० गोलले पछि परेको टोटनह्यामले खेलमा कमब्याक गर्दै ५-२ गोल अन्तरको जित हासिल गरेको हो ।

टोटनह्यामको जितमा सन हेंग मिनले ह्याट्रिक गरेका छन् । सनले खेलको १६औं, ६३औं र ६६औ मिनेटमा गोल गर्दै ह्याट्रिक पुरा गरे हुन् । क्रिस्टियन रोमेरो र जेम्स माडिसनले एक एक गोल गरेका थिए । बर्नलीका लागि लिले फोस्टर र जोश ब्रोनहिलले एक एक गोल गरेका थिए ।

यो जितपछि टोटनह्यामको ४ खेलमा १० अंकसहित लिगमा दोस्रो स्थानमा रहेको छ । बर्नलीले यस सिजनमा लगातार तीन खेलमा हार बेहोरेको छ ।

अन्य नतिजा :-