पाँचकिलोमा जीप खस्दा दुई जनाको मृत्यु, चार घाइते

काठमाडौँ । सिन्धुपाल्चोकमा जीप दुर्घटना हुँदा दुई जनाको मृत्यु भएको छ भने चार जना घाइते भएका छन् । सुनकोशी गाउँपालिका-७ मा पर्ने पाँचकिलोमा गएराति दोलखाबाट सिन्धुपाल्चोकको खाडीचौरका लागि छुटेको बा १५ च ९३७० नम्बरको जीप दुर्घटना भएको हो ।

जिल्ला प्रहरी कार्यालय सिन्धुपाल्चोककाअनुसार दुर्घटनामा दुई जना पुरुषको मृत्यु भएको छ । मृतकको परिचय भने खुल्न सकेको छैन । घाइते चार जनाको सदाबहार अस्पतालमा उपचार हुन नसकेपछि थप उपचारका लागि काभ्रेको धुलीखेल अस्पतालमा ल्याइएको छ ।