नेपाल लाइफका अभिकर्ताले सिंगापुरमा आयोजित एमडिआरटि ग्लोबल कन्फ्रेनसमा फहराए नेपालको झण्डा

काठमाडौँ । नेपालको प्रतिनिधित्व गर्दै नेपालको सर्वाधिक विश्वासिलो जीवन बीमा कम्पनी नेपाल लाइफ इन्स्योरेन्सका ४ जना एजेन्सी मेनेजरहरूले सिंगापुरमा आयोजित एमडिआरटि ग्लोबल कन्फ्रेनसमा सहभागिता जनाएका छन् ।

विश्वस्तरिय मान्यता प्राप्त बीमा अभिकर्ताहरूको प्रतिष्ठित संस्था एमडिआरटिले आफ्नो ग्लोबल कन्फ्रेन्समा सिंगापुरमा भव्यताका साथ सम्पन्न गरेको हो ।
२७ देखि ३० अगस्ट सम्म चलेको कार्यक्रममा विश्वभरिबाट लगभग ७,५०० जनाको उपस्थिति रहेका थिए ।

नेपाल लाइफ इन्स्योरेन्सबाट नेपाललाई प्रतिनिधित्व गर्दै कार्यक्रममा राम चन्द्र गौतम, रमा बुढाथोकी बस्नेत, सोमली शेर्पा र नेत्र कुमारी बुढाथोकीले सहभागिता जनाएका थिए ।

उनीहरूले अन्तर्राष्ट्रिय स्तरमा देशको झन्डा फहराउन पाउँदा आफूलाई निकै गौरवान्वित महसुस भएको बताए । सो अवसर सिर्जना गरिदिएकोमा नेपाल लाइफ इन्स्योरेन्सलाई धन्यवाद ज्ञापन गरे ।

कम्पनीका प्रमुख कार्यकारी अधिकृत प्रवीण रमण पराजुलीले यसरी अन्तर्राष्ट्रिय स्तरमा देश र कम्पनीको प्रतिनिधित्व गर्नु गौरवको कुरा भएको बताए । यस्तो एक्सपोजरले व्यक्तित्व विकाशका साथै आफ्नो लर्निङ्ग कर्भलाई माथि लैजान निकै सहयोग पुग्ने बताए । कम्पनीले धेरै भन्दा धेरै अभिकर्ताहरूलाई एमडिआरटि बन्न उत्प्रेरणा प्रदान गरीरहेको बताए ।

‘किनकि जीवन अमूल्य’ छ भन्ने मूल नारालाई आत्मसाथ गर्दै २२ वर्ष देखी नेपालीहरूको घर दैलोमा जीवन बीमा सम्बन्धी सम्पूर्ण सेवा प्रवाह गर्दै आएको नेपालको सर्वाधिक विश्वासिलो जीवन बीमा कम्पनी नेपाल लाइफ इन्स्योरेन्स कम्पनीको २०८० असार मसान्त सम्ममा लगानी रु। १ सय ७२ अर्ब रुपैयाँ रहेको छ ।

जीवन बीमा कोष करिब १६३ अर्ब रुपैयाँ सञ्चित रहेको छ । कम्पनीले आफ्ना सेवाग्राहीहरू तथा ग्राहकहरूका लागि देशभर फैलिएका आफ्ना करिब १ सय ९२ कार्यालय सञ्जालहरू मार्फत जीवन बीमासम्बन्धी सम्पूर्ण सेवा उपलब्ध गराइरहेको छ ।