मेस्सी नखेलेको खेलमा अर्जेन्टिनाको सानदार जित 

काठमाडौँ । अर्जेन्टिनाले विश्वकप छनौट अन्तर्गतको खेलमा बोलिभियालाई पराजित गरेको छ । बुधबार बिहान सम्पन्न खेलमा अर्जेन्टिनाले बोलिभियालाई ३-० गोल अन्तरले पराजित गरेको हो ।

अर्जेन्टिनाको जितमा इन्जो फेर्नानडेज, निकोलस टागलियाफिको र नोकोलास गोन्जालेजले एक/एक गोल गरेका थिए ।यस खेलमा बोलिभियाको रोबेर्टो फेर्नानडेजले खेलको ३९औं मिनेटमा रातो कार्ड पाएपछि बोलिभिया १० खेलाडी दिनमा सीमित भएको थियो ।

अर्जेन्टिनाले यस खेलमा लियोनेल मेस्सीलाई आराम दिइएको थियो । जितसँगै अर्जेन्टिनाले विश्वकप छनौटमा लगातार दोस्रो जित हासिल गरेको छ । बोलिभियाले भने आफ्ना दुवै खेलमा हार बेहोरेको छ ।