अल-नासरको जितमा रोनाल्डोको दुई गोल

काठमाडौँ । साउदी प्रो लिग अन्तर्गत अल-नासरले लगातार पाँचौँ जित हासिल गरेको छ । शुक्रबार राति सम्पन्न खेलमा अल-नासरले बलियो मानिएको अल-अहली साउदीलाई ४-३ गोल अन्तरले पराजित गरेको हो ।

अल-नासरको जितमा क्रिस्टियानो रोनाल्डोले २ र टालिस्काले २ गोल गरेका थिए । रोनाल्डोले यस सिजनको साउदी प्रो लिगमा अहिलेसम्म सर्बाधिक ९ गोल गरेका छन् । अल अल-अहलीका लागि फ्रयांक केस्से, रियाद महरेज र फेराज अलब्रिकानले एक एक गोल गरेका थिए ।

लिगको अङ्क तालिकामा ७ खेलपछि टोलीको १५ अङ्क रहेको छ । शीर्ष स्थानमा रहेको अल-इतिहादभन्दा टोली मात्र ३ अङ्कले पछि छ । अब तीन दिनपछि टोलीले किंग्स कप ओहोडको सामना गर्नेछ ।