अखिल फुटसल कपको उपाधि शंकरदेवलाई

काठमाडौं । अनेरास्ववियु आरआर क्याम्पस कमिटीद्धारा आयोजित अन्तर-कलेज क्याम्पसस्तरीय खुला पुरुष फुटसलको उपाधि शंकरदेव क्याम्पसले जितेको छ।

असोज ८ गतेदेखि १० गतेसम्म चलेको खेलमा त्रिचन्द्र क्याम्पसलाई हराउँदै शंकरदेव क्याम्पसले उपाधि जितेको अनेरास्ववियु आरआर क्याम्पस कमिटीका अध्यक्ष लोकेश खड्काले जानकारी दिए ।

उनका अनुसार खेलमा १६ वटा क्याम्पसका टिम सहभागी थिए। द्वितीय भने त्रिचन्द्र क्याम्पस भएको छ ।

प्रथम बिजेताले १ लाख ११ हजार १११ रुपैयाँ, उपविजेताले ५५ हजार ५५५ रुपैयाँ पाउने छन् । पुरस्कार भने असोज १६ गते वितरण गरिने उनले जानकारी दिए ।

उनले भने, ‘यही असोज १६ गते बिहान ७ बजे आरआर क्याम्पसमा विजया दशमीको शुभकामना आदानप्रदानसहित बृहत साँस्कृतिक कार्यक्रम आयोजना गरी पुरस्कार वितरण गरिने छ।’