१५औँ मिस्टर इन्टरनेशनल २०२३ मा प्रज्वल ताम्राकारलाई ‘मिस्टर कन्जेनिलिटी’ अवार्ड
मकालु खबर
काठमाडौं । नेपाली युवा प्रज्वल ताम्राकारलाई १५औँ मिस्टर इन्टरनेशनल २०२३ मिस्टर कन्जेनिलिटी विजेताका भएका छन् ।
सेप्टेम्बर ८ देखि १७ सम्म थाइल्याण्डको बैंककमा आयोजित १५औँ मिस्टर इन्टरनेशनल २०२३ मा नेपालको प्रतिनिधिको रूपमा प्रतिस्पर्धा गरी नेपाली युवा प्रज्वल ताम्राकारलाई मिस्टर कन्जेनिलिटी अवार्ड प्रदान गरिएको हो ।
३६ देशबाट ३६ सै जना सहभागी भएको उक्त प्रतिस्पर्धामा नेपालको तर्फबाट प्रज्वल ताम्राकार सहभागी भएको थिए । प्रतियोगितामा उनले प्रारम्भिक चरणमा ‘लाखे’ लाई राष्ट्रिय पोसाकको रूपमा प्रस्तुत गरेका थिए ।
सहभागी प्रतिस्पर्धी उम्मेदवारहरूमध्ये सबैभन्दा मिलनसार, आकर्षक व्यक्तित्व र महत्वाकांक्षी उम्मेदवार रहेको भन्दै ताम्राकारलाई मिस्टर कन्जेनिलिटी अवार्ड प्रदान गरिएको आयोजकले जनाएको छ ।
प्रज्वल ताम्राकारले सेप्टेम्बर ११ मा थाइल्याण्डमा भएको १५औँ मिस्टर इन्टरनेशनलको परम्परागत रनवेमा नेपालको परम्परागत पोसाकको रूपमा ‘दौरा सुवाल’ प्रस्तुत भएका थिए ।
सो पोसाकको डिजाइनले नेपालको हिमाल, पहाड र तराई क्षेत्र र ती क्षेत्रहरूमा बसोबास गर्ने विभिन्न जातीय समूहहरूलाई प्रतिनिधित्व गर्दछ । यसले नेवारी संस्कृति र नेपाल दुवैको प्रतिनिधित्व गर्दछ ।
उनलाई बैंककमा अवतरणको क्रममा नेपालको राष्ट्रिय कवजसहित स्वागत गरिएको थियो ।
३६ देशबाट प्रत्येक १ जना सहभागी भएको उक्त प्रतियोगितामा थाईल्याण्ड पहिलो, भनेज्वयला दोस्रो र ब्राजिल तेस्रो भएका थिए ।
मकालु खबर
