समर्पण लामा बने ‘इन्डियाज बेस्ट डान्सर’ सिजन–३ को विजेता

काठमाडौँ । नेपालका समर्पण लामा ‘इन्डियाज बेस्ट डान्सर’ सिजन–३ को विजेता बनेका छन् । टप ५ मा रहेका उनी पछिल्लो हप्तामा जजले उनलाई दिएको अंक र जनताको भोटका आधारमा सर्वाधिक अंक प्राप्त गरि विजेता भएका हुन् ।

शनिवार राती प्रसारण गरिएको ग्राण्ड फिनालेमा उनले ‘इन्डियाज बेस्ट डान्सरट्रफी सहित १५ लाख भारु नगद पुरस्कार प्राप्त गरेका थिए । उनको नृत्य निर्देशक भावना खन्डुजाले पनि ५ लाख भारु नगदसहितका पुरस्कार प्राप्त गरिन् ।

चितवनको रत्ननगर नगरपालिका–१३ भीमबहादुर चोक निवासी समर्पण सोनी च्यानलबाट प्रसारित नृत्य प्रतिस्पर्धाको उपाधि जितेका बनेका छन् । अन्तिम पाँच प्रतिस्पर्धामा समर्पणसहित सिवांशु सोनी, विपुल काँडपाल, अनिकित चौहान, अञ्जली मामगाई रहेकी थिइन् ।

ग्राण्ड फिनालेमा नै भएको अन्तिम ब्याटलमा अञ्जली मामगाईले बोनस १० अंक जितेर पछिल्लो अंक र जनताको भोटको आधारमा उनी दोस्रो स्थानमा पर्न सफल भइन् । त्यसै गरी सिवांशु सोनी तेस्रो, अंकित चौहान चौथो र विपुल काँडपाल पाँचौँ स्थान परे ।

फिनाले एपिसोडका अतिथिमा गोविन्दा र गणपथका कलाकार–टाइगर श्राफ र कृति सेनन उपस्थित भएका थिए । शोलाई जय भानुशालीले होस्ट गरेका थिए जसमा सोनाली बेन्द्रे र गीता कपुर जज थिए ।