रोनाल्डोको गोलमा अल नासरको पुनरागमन जित

काठमाडौँ । एएफएसी च्याम्पियन्स लिग अन्तर्गत अल नासरले लगातार दोस्रो जित हासिल गरेको छ । गएराती सम्पन्न खेलमा अल नासरले इस्टीक्लोलाई ३-१ ले पराजित गर्दै लागातार दोस्रो जित हासिल गरेको हो ।

यस खेलमा अल नासर पहिलो हाफमा १-० गोलले पछि परेपछि दोस्रो हाफमा पुनरागमन गर्दै जित हासिल गरेको थियो ।

इस्टीक्लोका लागि खेलको ४४औं मिनेटमा सेन सेबाईले गोल गर्दै शुरुवाती अग्रता दिलाएका थिए । तर अल नासरले दोस्रो हाफमा शानदार पुनरागमन गर्दै ३ गोल गरेको थियो । क्रिस्टियानो रोनाल्डोले खेलको ६६औ मिनेटमा गोल गर्दै खेल बराबरी गरेका थिए भने टालिस्काले २ गोल थपेर अल नासरको जित सुनिश्चित गरेका थिए ।

एएफसी च्याम्पियन्स लिगको समुह ई मा अल नासरको यो लगातार दोस्रो जित हो । यो जितपछि अल नासरको २ खेलमा ६ अंक भएको छ र समुहमा शिर्ष स्थानमा रहेको छ । त्यसैगरी इस्टीक्लोको भने २ खेलमा १ अंक रहेको छ ।