एमाले सुदूरपश्चिम अध्यक्षमा वचन सिंहकाे उम्मेदवारी फिर्ता

नेकपा (एमाले) सुदूरपश्चिम प्रदेश समितिको अध्यक्षका उम्मेदवार वचन सिंहले उम्मेदवारी फिर्ता लिएका छन्।

बुधबार फेसबुकमा स्ट्याटस लेख्दै सिंहले व्यक्तिगत ईच्छा र आकांक्षाहरूलाई थाँती राख्दै सहमति र सहकार्यका लागि उम्मेदवारी फिर्ता लिएको घोषणा गरेका हुन्।

यसअघि अध्यक्षमा उम्मेदवारी दिएका कमल तिमिल्सिनाले पनि उम्मेदवारी फिर्ता लिएका थिए। तिमिल्सिनाले एमाले सुदूरपश्चिमको अध्यक्षमा कृष्णप्रसाद जैशीलाई समर्थन गरेका छन्।

एमाले सुदूरपश्चिमको अध्यक्षका लागि ४ जनाले उम्मेदवारी दर्ता गराएका थिए।

अब अध्यक्षका दाबेदार कृष्णप्रसाद जैशी र अछामका भरत साउँदको उम्मेदवार कायम छ। साउद एमाले नेता भीम रावल निकट हुन्।

एमाले सुदूरपश्चिम अध्यक्ष जैशीलाई बनाउन ओली निकट नेताको जोड छ।