नेपाल पुगे इजरायलबाट उद्धार गरिएका थप ७ जना
मकालु खबर
२०८० कार्तिक १ गते
कञ्चनपुर । इजरायलबाट उद्धार गरि दिल्ली ल्याइएका नेपालीहरू बुधबार बिहान कञ्चनपुर आइपुगेका छन् । दिल्ली आएका १८ मध्ये ७ जना गड्डाचौकी नाका हुँदै महेन्द्रनगर आएपुगेका हुन् ।
महेन्द्रनगर आइपुग्नेमा कैलाली टीकापुरका नन्दसिंह पुन, नुवाकोट लिखुका राजकुमार मानन्धर, काठमाडौंका लक्ष्मी दुलाल, मोरङ उर्लाबारीका निश्चल सिंह, पाल्पाकी दिलकुमारी अधिकारी, ललितपुरकी ममता थापा र स्याङ्जाकी अस्मिता गुरुङ रहेका छन् । उनीहरुलाई दिल्लीस्थित नेपाली दूतावासले सवारी साधनको व्यवस्थासहित घर पठाएको हो ।
अब उनीहरुलाई घरतर्फ पठाइने कञ्चनपुरका प्रमुख जिल्ला अधिकारी गोपालकुमार अधिकारीले बताए । १८ जनामध्ये अन्य दिल्लीबाट जहाजमार्फत काठमाडौं हुँदै आ(आफ्ना घर फर्किने बताइएको छ ।
मकालु खबर
२०८० कार्तिक १ गते
प्रतिक्रिया
सम्बन्धित