एभरेस्ट बैङ्कले मनायो २९ औँ वार्षिकोत्सव, कोपिला भ्याली सेवा समाजलाई रु. ५ लाख सहयोग

काठमाडौँ । विशेष कार्यक्रमका बिच एभरेस्ट बैङ्क लिमिटेडले आफ्नो २९ औँ वार्षिकोत्सव मनाएको छ ।

सो अवसरमा बैङ्कले प्रधान कार्यालयमा २५ वर्ष भन्दा बढी सेवा गर्ने कर्मचारीहरूलाई सम्मान तथा संस्थागत सामाजिक उत्तरदायित्वका विभिन्न कार्यक्रमहरू आयोजना गरिएको एभरेस्ट बैङ्कले जनाएको छ ।

बैङ्कका २ सय भन्दा बढी कर्मचारीहरूका बिच सम्पन्न उक्त कार्यक्रममा बैङ्कले सेवा अवधिको २५ वर्ष पुरा गरेका २८ जना कर्मचारीहरूलाई बैङ्कका प्रमुख कार्यकारी अधिकृत सुदेश खालिङले विशेष सम्मान गरेका छन् ।

बैङ्कले संस्थागत सामाजिक उत्तरदायित्व अन्तर्गत कोपिला भ्याली सेवा समाज सुर्खेतलाई रु. ५ लाख आर्थिक सहयोग गरेको छ ।

बैङ्कका नायब महाप्रबन्धक केशव प्रसाद पौडेलले कोपिला भ्याली सेवा समाज सुर्खेतको तर्फबाट ब्लिङ्कनाव फाउण्डेशनका राष्ट्रिय प्रतिनिधि डा। एसपी
कलौनीलाई उक्त रकम बराबरको चेक हस्तान्तरण गरेका हुन् ।