थपिएको अन्तिम मिनेटको गोलले युभेन्टस शीर्ष स्थानमा 

काठमाडौँ । इटालियन सिरी ए अन्तर्गत युभेन्टसले भेरोनालाई पराजित गरेको छ । गएराती सम्पन्न खेलमा युभेन्टसले भेरोनालाई १-० गोल अन्तरले पराजित गरेको हो ।

युभेन्टसको जितमा खेलको ९६औं मिनेटमा आन्द्रे काम्बिआसोले खेलको एक मात्र निर्णायक गोल गरेका थिए । निर्धारित समय सकिएपछि ६ मिनेट थप गरिएको थियो ।

यो जितपछि युभेन्टस सिरी ए मा शीर्ष स्थानमा उक्लिएको छ । १० खेलमा २३ अंक रहेको युभेन्टस एक खेल कम खेलेको इन्टर मिलानभन्दा एक अंकले अगाडी रहेको छ । भेरोनाको १० खेलमा ८ अंक रहेको छ र लिगमा १६औं स्थानमा रहेको छ ।