वेस्टह्यामसँग ३-१ ले हारेपछि लिग कपबाट बाहिरियो आर्सनल

काठमाडौँ । आर्सनल लिग कपबाट बाहिरिएको छ । गएराती सम्पन्न राउण्ड १६ अन्तर्गतको खेलमा वेस्टह्याम युनाइटेडसँग ३-१ गोल अन्तरले पराजित भएसँगै आर्सनल यस वर्षको लिग कपबाट बाहिरिएको हो ।

वेस्टह्यामले आर्सनललाई ३-१ गोल अन्तरले पराजित गर्दै लिग कपको क्वाटरफाइनलमा पुगेको छ । वेस्टह्यामको जितमा मोहमद कुदुस र जारोड बोवेनले एक एक गोल गरेका थिए भने एक गोल आर्सनलका बेन ह्वाइटले आत्मघाती गोल गरेका थिए । त्यसैगरी आर्सनलका लागि एक गोल मार्टिन ओडेगार्डले गरेका थिए ।

अब वेस्टह्यामले क्वाटरफाइनलमा लिभरपुलको सामना गर्ने छ । लिभरपुलले बोर्नमाउथलाई २-१ गोल अन्तरले पराजित गर्दै क्वाटरफाइनलमा पुगेको छ ।