कपिलवस्तुमा ३ लाख रूपैयाँ बराबरको पटाका बरामद

कपिलवस्तु । मायादेवी गाउँपालिका–४ ठाकुरापुरबाट झिरझिरे पेपरवाला २३ प्याकेट, मोरी छाप ३० राउण्डवाला ६ प्याकेट लगायत करिब ३ लाख रूपैयाँ बराबरको बिभिन्न प्रकारका पटाका शुक्रबार बिहान प्रहरीले बरामद गरेको छ ।

ईलाका प्रहरी कार्यालय चाकरचौडा र ईलाका प्रहरी कार्यालय पकडीबाट गस्तीमा खटिएको प्रहरीले नेपाल–भारत सीमाना नजिक वेवारिसे अवस्थामा उक्त परिमाणको पटाका फेला पारी बरामद गरेको हो ।

यस सम्बन्धमा प्रहरीले थप अनुसन्धान गरिरहेको नेपाल प्रहरी केन्द्रीय कार्यालयले जनाएको छ ।