‘हन्टर टिकटक च्यालेन्ज २०२३’ विजेताहरूलाई नगद हस्तान्तरण

काठमाडौँ । रोयल इनफिल्डको लागी आधिकारिक बिक्रेता अल्फा अटोमोटिभले प्रा.लिले ‘हन्टर टिकटक च्यालेन्ज २०२३’ विजेतालाई नगद हस्तान्तरण गरेको छ ।

रोयल इनफिल्डको नयाँ मोडेल हन्टर ३५० सिसिलाई बजार प्रबन्धन गर्न र युवा पुस्तालाई सोसल मिडिया मार्फत आकर्षित गर्न ‘हन्टर टिकटक च्यालेन्ज २०२३’ सञ्चालन गरिएको थियो ।

टिकटक र फेसबुक लाइभ मार्फत नतिजा सार्वजनिक गरेर विजयीहरूलाई घोषित नगद हस्तान्तरण गरिएको हो ।

कम्पनीका अनुसार प्रतियोगीहरूले नियम–पूर्वक व्यापक सहभागिता जनाएका थिए । च्यालेनजको नियम अनुरूप ३ जना लाई विजेता घोषणा गरिएको हो ।

पोखराका पदम लामाले प्रथम पुरस्कार बापत १ लाख नगद जित्न सफल भएका छन् भने दोस्रो पुरस्कार बापत ६० हजार नगद जित्न पोखराकी स्मिता घिमिरेले जिनेकी छन् ।

त्यसैगरि हेटौडाका रजक शाहीले तेस्रो पुरस्कार बापत ४० हजार नगद जित्न सफल भएका छन् ।

सम्पूर्ण विजयताहरुलाई रोयल इनफिल्डको नक्साल स्थित शोरुममा सम्पूर्ण मिडियाकर्मीको उपस्थितिमा कार्तिक २३, २०८० गते कम्पनीका निर्देशक श्री मेघराज पोडेल द्वारा चेक हस्तान्तरण गरेका थिए ।