चित्लाङमा बस र बाइक जुध्दा मनोजको मृत्यु

काठमाडौँ । मकवानपुरको थाहा नगरपालिका-९ चित्लाङमा बस र मोटरसाइकल ठोक्किँदा एक जनाको मृत्यु भएको छ । काठमाडौं चित्लाङका लागि छुटेको बा ४ ख ८७७३ नम्बरको बस र काठमाडौँ आउँदै गरेको बा ६५ प ४१७३ नम्बरको मोटरसाइकल गएराति ठोक्किएका हुन् ।

दुर्घटनामा थाहा नगरपालिका-१० बस्ने ३० वर्षीय मनोज गमालको मृत्यु भएको हो । उनको काठमाडौंको ट्रमा सेन्टरमा उपचारका क्रममा मृत्यु भएको प्रहरीले जनाएको छ ।

घाइते ४८ वर्षीय शम्भु गमालको उपचार भइरहेको मकवानपुरका निमित्त प्रहरी प्रवक्ता एवं प्रहरी निरीक्षक प्रकाश शाहले जानकारी दिए । दुर्घटनाबारे थप अनुसन्धान भइरहेको प्रहरीले जनाएको छ ।