पूजा शर्मा अभिनीत चलचित्र ‘दान्भी’ को ट्रिजर सार्वजनिक (भिडिओ)
मकालु खबर
काठमाडौँ । नेपाली चलचित्र दान्भीको ट्रिजर सार्वजनिक भएको छ ।
बिहीवार काठमाडौंमा एक कार्यक्रमबीच चलचित्रको ट्रिजर सार्वजनिक भएको हो ।
चलचित्रको निर्देशन रुपेश तामाङ हुन् भने फिल्ममा कथा रविना थापा मगरको छ ।
पटकथा तथा संवाद संजोग रानाको छ । फिल्ममा अर्जुन पोखरेलेको संगीत, कविराज गहतराजको कोरियोग्राफी छ । अनुप गदाल र देव मगरको लगानीमा तयार भइरहेको यो फिल्ममा कमला लिम्बू र गोकुल सुवेदी सह–निर्माताको रुपमा छन् ।
फिल्म ‘दान्भी’को क्लाइमेक्समा सय जना फाइटर प्रयोग गरिएको छ । सार्वजनिक कार्यक्रममा बोल्दै अभिनेत्री पूजा शर्माले दान्भीलाई सबैले मन पराउनेमा विश्वस्त रहेको र दान्भीलाई सफल बनाइदिन आग्रह गरिन् ।
उनले दान्भी एक्शन चलचित्र रहेकाले आगामी दिनमा आफू एक्शन फिल्मका लागि स्क्रिप्ट तयार गरेको र निर्माण गर्ने इच्छा रहेको बताइन् ।
फिल्ममा पूजाको साथमा नायक कुन्साङ बोमजोमले अभिनय गरेका छन् ।
भिडिओ :
मकालु खबर
