उम्मेदवार छान्न आज एमाले र नेकपा एसको बैठक

काठमाडौँ । नेकपा एमाले र नेकपा एकीकृत समाजवादीको आज छुट्टाछुट्टै सचिवालय बैठक बस्दैट । एमालेले सचिवालय बैठक च्यासलस्थित पार्टी केन्द्रीय कार्यालयमा बस्ने भएको हो ।

राष्ट्रियसभा उम्मेदवारको चयन, ‘झुलाघाट–चिवाभञ्ज्याङ समृद्धिका लागि सङ्कल्प यात्रा’को समीक्षा र केन्द्रीय कमिटी बैठक बोलाउने विषयमा छलफल गर्न बैठक आह्वान गरिएको पार्टीका प्रचार विभाग प्रमुख राजेन्द्र गौतमले बताए । यसअघि पार्टीअध्यक्ष केपी शर्मा ओलीले हिजो प्रदेश कमिटीका पदाधिकारीसँग राष्ट्रियसभा उम्मेदवार चयनबारे छलफल गरेका थिए ।

यस्तै नेकपा एसको बैठक दिउँसो १ बजे बस्ने गरी सचिवालय बैठक बोलाएको केन्द्रीय सचिवसमेत रहेका केन्द्रीय कार्यालय सचिव जीवनराम श्रेष्ठले जानकारी दिए ।नेता श्रेष्ठका अनुसार राष्ट्रियसभाका उम्मेदवार र विधान संशोधनबारे बैठकमा छलफलका एजेन्डा तय भएका छन् । आगामी माघ ११ गते हुने राष्ट्रियसभा सदस्य निर्वाचनका लागि पुस २३ गते सोमबार उम्मेदवारी मनोनयनको समय निर्वाचन आयोगले तोकेको छ ।